Беларускі баксёр абараніў чэмпіёнскі пояс WBA Continental

Мікалаю Весялову супрацьстаяў атлет з Даніі Абдул Хатаб.

Беларускі баксёр Мікалай Весялоў на турніры ў Бэльгіі 19 кастрычніка абараніў чэмпіёнскі пояс Сусветнай баксёрскай асацыяцыі - WBA Continental.

Як паведамляе БелТА, паядынак прайшоў у сярэдняй вагавой катэгорыі (72,5 кг). Беларусу супрацьстаяў атлет з Даніі Абдул Хатаб.

З пачатку сустрэчы Мікалай Весялоў стаў навязваць спаборніку свой тэмп, дамінуючы ў цэнтры рынга. У другім раўндзе беларус, контратакуючы, працягнуў адціскаць спаборніка да канату.

Падчас ўсяго спаборніцтва Абдул Хатаб стараўся зблізіцца і прайсці беларусу ў клінч, але яго спробы былі безвыніковымі. Мікалай Весялоў аддаваў перавагу трымаць спаборніка на дыстанцыі, прабіваючы дакладныя камбінацыі. Паводле вынікаў 12-раўндавай сустрэчы перамогу пастановай суддзі атрымаў беларус і застаўся з чэмпіёнскім поясам Сусветнай баксёрскай асацыяцыі - WBA Continental.

У эліту сусветнага бокса ўваходзіць і беларус Іван Баранчык (63,5 кг), які ў кастрычніку гэтага года стаў інтэркантынентальным чэмпіёнам паводле версіі WBA.