Пабіты сусветны рэкорд працягласці авіяпералёту
8- 20.10.2019, 17:53
- 13,087
Яго ажыццявіла аўстралійская авіякампанія Qantas
Яна паставіла рэкорд працягласці пералёту ў гісторыі камерцыйнай авіяцыі: яна ажыццявіла бесперасадачны рэйс з Нью-Ёрка ў Сіднэй. Палёт Boeing 787 Dreamliner доўжыўся 19 гадзін 16 хвілін, піша Reuters.
Рэйс быў тэставы: вывучалі, як на арганізм пасажыраў уплывае доўгае знаходжанне ў паветры і змены гадзіннікавых паясоў.
У сучасных лайнераў абмежаваны памер паліўных бакаў, таму яны не могуць ажыццяўляць такія працяглыя пералёты. На борце самалёта было толькі 49 чалавек і яны змаглі ўзяць абмежаваную колькасць багажу.
Пакуль што найбольш доўгім рэгулярным рэйсам у свеце з'яўляецца пералёт Сінгапур - Нью-Ёрк, які ажыццяўляе кампанія Singapore Airlines. Там лайнер ляціць больш 18 гадзін без перапынку.