Кіраўнік Пентагона прыбыў з неабвешчаным візітам у Эр-Рыяд
- 21.10.2019, 19:52
- 7,452
Гэта першы візіт кіраўніка Пентагона ў краіну з моманту яго ўступлення на пасаду.
Міністр абароны ЗША Марк Эспер з неабвешчанымі візітам прыбыў у Савудаўскую Арабію, паведамляе РБК са спасылкай на Reuters.
Гэта першы візіт кіраўніка Пентагона ў краіну з моманту яго ўступлення на пасаду. Паводле інфармацыі выдання, у рамках візіту ў Эр-Рыяд Эспер сустрэнецца з Савудаўскімі лідарамі і размешчаным на тэрыторыі краіны амерыканскім вайсковым кантынгентам.
У кастрычніку амерыканскія ўлады адправілі ў Савудаўскую Арабію дадаткова 3 тысячы вайскоўцаў для абароны нафтавых аб'ектаў. Акрамя таго, на Блізкі Усход былі адпраўленыя дзве батарэі Patriot і супрацьракетны комплекс THAAD.
Прычынай перакідання войскаў стала атака дронаў на заводы Saudi Aramco, якая адбылася 14 верасня. Спачатку адказнасць за тое, што адбылося ўзялі на сябе еменскія хусіты з руху «Ансар Алах», аднак ЗША і шэраг краін абвінавацілі ў атацы Іран.