У цэнтры Менску знайшлі бутэльку з пасланнем і манетамі
47- 22.10.2019, 14:55
- 56,332
Тэкст захаваўся не цалкам.
Запіска і дзве савецкія манеты наміналам 1 капейка былі ў бутэльцы з-пад шампанскага, паведаміў «Минск-Новостям» мантажнік будаўнічых канструкцый Андрэй Спірыдовіч. Іх знайшлі падчас будаўнічых работ пры дэмантажы гранітных пліт ля манумента на плошчы Перамогі.
- Заўважыў у бутэльцы паперу і зразумеў, што гэты ліст з мінулага. Ён быў разарваны.
Пасланне, якое, магчыма, напісанае працоўнымі, якія працавалі на добраўпарадкаванні аб'екта, пачынаецца са звароту да нашчадкаў. У ім згадваецца пра «ўдарную брыгаду», таксама пазначаныя прозвішчы чальцоў працоўнага калектыву.
Тэкст захаваўся не цалкам. Аднак можна разабраць словы, што «тут гнулі свае спіны», магчыма, «за 13 рублёў за змену».