У Каталоніі пратэстоўцы заблакавалі дарогі і чыгуначныя шляхі
3- 22.10.2019, 19:39
- 10,858
Блакады працягваліся на дзясятках дарог у раёне Барселоны, Лерыды і Жыроны.
У гарадах Каталоніі з ранніх гадзін аўторка, 22 кастрычніка прыхільнікі незалежнасці блакавалі дарогі і некалькі чыгуначных шляхоў.
Пра гэта паведамляе Express.
Блакады працягваліся на дзясятках дарог у раёне Барселоны, Лерыды і Жыроны.
У Жыроне студэнты перакрылі пад'язныя шляхі да ўніверсітэту, а таксама ўваходы ў будынкі некалькіх універсітэцкіх факультэтаў.
У пятніцу, 18 кастрычніка, у цэнтры Барселоны аднавіліся сутыкненні паміж пратэстоўцамі і праваахоўнікамі.
Каталонцы пратэстуюць праз рашэнне Вярхоўнага суда Гішпаніі прысудзіць да доўгіх турэмных зняволенняў палітыкаў, якія падтрымалі незалежнасць Каталоніі ў 2017 годзе.