Якія краіны беларусам варта наведаць у Еўропе восенню

Увосень Еўропа - асаблівая.

Не хвалюйцеся, калі летам не ўдалося адпачыць. Восень - выдатная пара для рамантычных шпацыраў утульнымі маляўнічымі вулкамі Еўропы. Вы не будзеце пакутаваць ад невыноснай спякоты, і не будзеце думаць пра тое, як хутчэй сагрэцца пад коўдрай, як зімой. Увосень Еўропа - асаблівая. Атрымліваць асалоду ад маляўнічых краявідаў, глінтвейну ў кавярні і наведваць музеі, у якіх няма вялізнага натоўпу турыстаў. Krapka.club раскажа, дзе лепш прабавіць час у Еўропе восенню.

Калі вы дагэтуль сумуеце па сонцы і цёплыні, то найлепшым месцам для адпачынку стануць паўднёвыя краіны Еўропы - Італія, Грэцыя, Гішпанія, Партугалія, Кіпр і Блакітны бераг Францыі. Тэмпература паветра і вады вас прыемна здзівіць.

Калі ж хочаце прагуляцца ўтульнымі восеньскімі вуліцамі, то найлепшым варыянтам стануць наступныя краіны і гарады:

Чэхія

Нямеччына

Аўстрыя

Польшча

Данія

Бэльгія

балтыйскія краіны

Вугоршчына

Швэцыя

Нідэрланды

Такім чынам, утульным горадам Чэхіі, безумоўна, з'яўляецца Прага. У кастрычніку тут праходзяць кірмашы, якія робяць горад яшчэ больш атмасферным і прыгожым. Пашпацыруйце Карлавым мостам і Старамесцкай плошчай, прайдзіцеся па Вальдшэйнскім садзе. Абавязкова пакаштуйце традыцыйную вулічную ежу - трдэльнік з нутэлай. У рэстарацыях рассмакуйце запечаную свініну з капустай або бульбай. Закахацца ў восеньскую Прагу - вельмі лёгка.

У Аўстрыі найперш трэба наведаць неверагодную Вену. Яна ўразіць вас сваёй веліччу і прыгажосцю архітэктуры. Пакаштуйце традыцыйны шакаладны торт захер і сапраўдную венскую каву. Увечары наведайце вядомую Венскую оперу.

Аднак, Вена – не адзіны горад у Аўстрыі, які вас здзівіць. Чулі калі-небудзь пра Інсбрук і Зальцбург?

У Польшчы нямала прыгожых гарадоў - Кракаў, Варшава, Гданьск, Люблін. Не менш прыгожая прырода. Напрыклад, Марское Вока - горнае возера неверагоднай прыгажосці, якое знаходзіцца ў Польшчы ў гарах Татрах. Вандроўнікі з усяго свету адпраўляюцца ў падарожжа, каб паглядзець у яго бірузовую глыбіню і атрымаць асалоду ад унікальнай прыродай.

У Даніі наведайце сталіцу Капенгаген. Сталіца Даніі раскінулася на трох выспах, а насельніцтва яе не перавышае 600 000 чалавек. Па вузкіх вулках, зялёных парках і ўтульных набярэжных жыхары і турысты перасоўваюцца ў асноўным на роварах. Капенгаген уважаецца за адзін з найстарэйшых гарадоў Еўропы, дзе сучасная архітэктура гарманічна спалучаецца са старымі будынкамі.

Бэльгія - маленькае каралеўства Заходняй Еўропы з плошчай меншай, чым Харкаўская, Адэская або Чарнігаўская вобласці. Бэльгія - неверагодная краіна, у якую можна закахацца з першага погляду. А блізкае знаёмства з гэтым утульным куточкам Еўропы, у якім знаходзіцца мноства старажытных гарадоў, якія вабяць турыстаў сваёй сярэднявечнай архітэктурай, толькі ўзмоцніць пачуццё і выкліча жаданне прыязджаць сюды зноў і зноў.

Балтыйскія краіны прыемна пацешаць вас нізкімі коштамі. Турысты любяць вузкія ўтульныя вулкі Латвіі, Літвы і Эстоніі. Хоць гэтыя краіны ўваходзілі ў склад СССР, аднак цяпер узровень жыцця там значна вышэйшы. Гэта сапраўды еўрапейскія краіны з высокім узроўнем жыцця.

Падзелены, у цэнтры ракой Дунай, Будапешт аб'ядноўвае два гарады. Кантраст паміж зялёнымі ўзгоркамі Буды з палацамі Габсбургаў і брукаванымі вулачкамі і дамамі ў стылі барока і шырокімі бульварамі Пешты разам з мітуслівым бізнэс цэнтрам і атмасфернымі «барамі на руінах» надае гораду непаўторную індывідуальнасць. Шпацыруючы па горадзе, вам можа здацца, што вы трапілі ў каралеўскі квартал - і вы маеце рацыю. Як і Вена, Будапешт быў абвешчаны сталіцай Аўстра-Вугорскай Імперыі ў 1867 годзе і атрымаў статус імперскага горада.

Швэцыя - паўночная краіна Еўропы, таму нават восенню тут досыць прахалодна. Вельмі нізкімі коштамі вы можаце дабрацца сюды на пароме з краін Балтыі. Упэўненыя, што гэта будзе неверагодна. Швэцыя - дарагая краіна, але вы можаце бясплатна пашпацыраваць маляўнічымі вулкамі Стакгольма і нізкімі коштамі пакаштаваць смачную вулічную ежу.

Нідэрланды часта наведваюць вясной, калі там квітнеюць туліпаны. Аднак, і ўвосень там ёсць на што паглядзець. Тут можна наведаць разнастайныя і незвычайныя музеі, прыгожыя паркі, выставы на ўсялякі густ, тэатры і г.д. Чаго толькі няма ў гэтай краіне!

Такім чынам, не сумнявайцеся і абавязкова наведайце Еўропу восенню! Вы будзеце прыемна здзіўлены атмасферай маляўнічых еўрапейскіх гарадоў.