Украінскі паркуршчык паказаў неймаверныя трукі
2- 23.10.2019, 14:33
- 15,536
Хлопец зняўся ў міні-фільме для дэманстрацыі сваіх уменняў.
Тытулаваны ўкраінскі паркуршчык Аляксандр Цітарэнка прадэманстраваў новыя захапляльныя трукі. Ролік з'явіўся на афіцыйным сайце Red Bull, піша korrespondent.net.
Украінец з'яўляецца спартоўцам Red Bull. У новым відэа Цітарэнка сыграў студэнта, які спазняецца на іспыт. Паводле сюжэта студэнт атрымлівае SMS, што праз 5 хвілін у яго пачынаецца іспыт. Хлопец павінен забраць сваю заліковую кніжку і дабрацца на іншы канец універсітэта.
Для гэтага ён пракладае маршрут праз вокны, сцены і ўсё, што трапляецца па дарозе. Ролік быў зняты ў адным з найстарэйшых універсітэтаў Украіны ў Чарнаўцах.
Аляксандр Цітарэнка ў 2017 годзе перамог у фінале сусветнага чэмпіянату Red Bull Art of Motion. Хлопец пачаў займацца паркурам у 11 гадоў, а ў 2013 ужо перамог на сваім першым прафесійным спаборніцтве.