Расея без нафты: Бюджэт страціць 40% даходаў

Каб утрымацца на нафтавым рынку, падаткі на здабыўную галіну давядзецца знізіць удвая.

Нафтадаляравы канвеер, які апошнія паўстагоддзя корміць Расею, дазваляючы абменьваць вуглевадароды на заходнія тэхналогіі і спажывецкі стыль жыцця, дажывае свае апошнія дні, піша finanz.ru.

Па меры таго, як старыя, яшчэ савецкія радовішчы высільваюцца, а новых з таннай і лёгкай ў здабычы нафтай выявіць не ўдаецца, улады РФ рыхтуюцца да абвальнага падзення нафтагазавых даходаў бюджэту.

Пазбегнуць лёсу, прадказанага Расеі саудаўскім прынцам Махамедам бен Салманам, і не знікнуць з сусветнага рынку «чорнага золата» можна толькі за кошт здабычы цяжкадаступных запасаў. Але гэтая нафта істотна даражэйшая ў сабекошце і ўжо не дазволіць у ранейшых аб'ёмах напаўняць федэральны бюджэт, папярэдзіў у інтэрв'ю Reuters кіраўнік Мінэнэрга Аляксандр Новак.

Пры цяперашнім падаткаабкладанні нафтавай галіны палова запасаў нерэнтабельныя. «Калі не мяняць падатковую сістэму, у Заходняй Сібіры і Арктыцы, мы ўжо праз некалькі гадоў не зможам падтрымліваць існы ўзровень здабычы», - заявіў Новак.

«У нас самая высокая нагрузка для нафтавай галіны ў свеце, - паскардзіўся ён. - Агулам яна складае 68-70% ад прыбытку. А калі браць радовішчы ў Заходняй Сібіры, якія не маюць ніякіх ільгот, - там нагрузка складае 85% ад прыбытку».

Гэтая сістэма была б жыццяздольнай з коштам нафты 100 даляраў за барэль. Але пра такія кошты трэба забыцца, кажа Новак: у сярэднетэрміновай перспектыве справядлівы кошт барэля - не больш за 50 даляраў. Таму давядзецца мяняць сістэму: абкладаць падаткам не аб'ём здабычы, а рэнтабельнасць, уводзіць ільготы на геолагаразведачныя работы, распрацоўку невялікіх радовішчаў і перадавыя тэхналогіі нафтаздабычы, дазваляючы амартызаваць і адымаць гэтыя расходы з ПЗКВ, мяркуе кіраўнік Мінэнэрга.

Гэта дасць магчымасць здабыць і прадаць за мяжу яшчэ 10 млрд тон і выручыць блізу 4 трлн даляраў жыццёва неабходнага валютнага прыбытку, каб аплачваць імпарт і падтрымліваць ілюзію тэхналагічнага развіцця і спажывецкага дабрабыту.

Мінфін Расеі, хоць публічна і прадаўжае выступаць супраць падатковых ільгот, на справе даўно прызнаў, што ўжо ў найбліжэйшыя 5-7 гадоў федэральнаму бюджэту трэба будзе перажыць шокавую адмову ад вуглевадароднай рэнты.

У доўгатэрміновы бюджэтны прагноз да 2036 года закладзенае скарачэнне рэальных (гэта значыць, з улікам інфляцыі) нафтагазавых даходаў на 40%.

У суадносінах да эканомікі скарачэнне будзе больш чым двухразовым: калі летась бюджэт атрымаў 8,8% ВУП, то праз 18 гадоў гэта будзе толькі 3,3% ВУП.

Прычым, каб паспець у астатні цягнік нафтавага рынку, рэзаць нафтагазавы бюджэт (да 5,5% ВУП) трэба да 2024 года, вынікае з прагнозу.

«Па меры росту знясіленне запасаў прыродных рэсурсаў, а таксама пераносу інвестыцый на льготныя радовішчы ў структуры здабычы прадоўжыць расці доля радовішчаў з паніжанай эфектыўнай стаўкай падаткаабкладання (льготы па падатку на здабычу карысных выкапняў і экспартным падатку, рэжым падатку на дададзены даход)», - канстатуе Мінфін.

Менавіта таму людзі павінны стаць новай нафтай для бюджэту. Не нафтагазавыя падаткі Мінфін плануе павялічыць на 60%, зборы ПДВ - удвая, агульную падатковую нагрузку на не сыравінны сектар - з 26,9% да 28% ВУП.