Вольга Нікалайчык: 15 лістапада на Кастрычніцкай плошчы будзе яшчэ лепш
6- 10.11.2019, 22:47
- 24,355
Акцыя пачнецца а 18.00.
Як у «Фэйсбуку» напісала кандыдатка ад грамадзянскай кампаніі «Еўрапейская Беларусь», рэжысёрка і актывістка Вольга Нікалайчык:
- У пятніцу мы арганізавалі файна разам з NEXTA! Працяг 15.11.2019 на Кастрычніцкай плошчы а 18.00 - будзе яшчэ лепш.
Мы паказалі, што ў лукавага выбараў няма, але мы - ёсць! Будучыня Беларусі - за намі.
Жыве Беларусь!
Нагадаем, што 8 лістапада папулярны беларускі блогер Сцяпан Святлоў (NEXTA), аўтар фільма «Лукашэнка. Крымінальныя матэрыялы», які набраў больш за 1,5 мільёнаў праглядаў на youtube.com і блізу 600 тысяч у іншых сацсетках, правёў сустрэчу падпісчыкаў Менску на плошчы Свабоды. На сустрэчу прыйшло блізу 2 тысяч чалавек.
Каардынатар грамадзянскай кампаніі «Еўрапейская Беларусь» Яўген Афнагель на сустрэчы NEXTA заклікаў сабрацца 15 лістапада на Кастрычніцкай плошчы. Мітынг будзе цалкам легальным, бо да 17 лістапада ў Беларусі працягваецца выбарчая кампанія, і ўсё будзе праходзіць у рамках агітацыйнай кампаніі кандыдатаў у дэпутаты.