Польшча атрымала новы ўрад
1- 16.11.2019, 11:36
- 7,819
У яго склад увайшлі 23 міністры.
У прэзідэнцкім палацы ў Варшаве прынёс прысягу прэзідэнту Польшчы Анджэю Дуду новы ўрад Польшчы. Яго ўзначаліў Матэвуш Маравецкі, паведамляе racyja.com.
Як адзначыў у сваёй прамове прэм'ер-міністр Матэвуш Маравецкі, галоўнай мэтай ягонага ўрада стане тое, каб зрабіць Польшчу краінай для найлепшага жыцця ў Еўропе, краінай, у якую хочуць вярнуцца эмігранты, а ўсе, хто цяпер жыве ў Польшчы, каб адчувалі сябе тут добра і шчасліва.
У склад новага ўрада ўвайшлі 23 міністры. У большасці гэта - міністры папярэдняга ўрада.
Міністэрства замежных спраў, як і раней узначаліць Яцэк Чапутовіч. Міністэрствам адукацыі будзе кіраваць палітык з Падляшша Дарыюш Пенткоўскі. Міністэрства ўнутраных спраў і адміністрацыі ўзначаліць Марыюш Камінскі. Прэм'ер-міністр Матэвуш Марaвецкі часова зойме пасаду міністра спорту, якога яшчэ не прызначылі.