Зяленскі паабяцаў не галіцца да прыбыцця ва Украіну захопленых караблёў

Прэзідэнт Украіны патлумачыў, чаму прыйшоў на прэс-канферэнцыі з прэм'ерам Чэхіі няголеным.

Прэзідэнт Украіны Уладзімір Зяленскі паабяцаў не галіцца да прыбыцця ў порт Адэсы вайсковых караблёў, захопленых Расеяй у Керчанскай пратоцы ў лістападзе 2018 года. Пра гэта паведамляе «Інтэрфакс-Украіна».

«Хачу папрасіць прабачэння, што я няголены. Ёсць такое слова ўкраінскае класнае - забабон. Ёсць такія прымхі», - сказаў ён на прэс-канферэнцыі пасля сустрэчы з прэм'ерам Чэхіі Андрэем Бабішам. Зяленскі дадаў, што чакае караблі і паголіцца, калі яны вернуцца.