Скандал у беларускім хакеі: СК распачаў крымінальную справу

СК распачаў крымінальную справу пра ўплыў на вынік матчу «Дынама-Маладзечна» - «Магілёў».

Цэнтральным апаратам Следчага камітэта супольна з ГУБАЗіК МУС выяўлены факт супрацьпраўнага ўплыву на вынікі матча чэмпіянату Беларусі «Дынама-Маладзечна» - «Магілёў» (5:6), які адбыўся 12 лістапада 2019 года.

У дачыненні да шэрагу прадстаўнікоў каманды «Дынама-Маладзечна» распачатая крымінальная справа на падставе ч.1 арт.14, ч.1 арт.253 (замах на атрыманне незаконнай узнагароды спартоўцамі за ўплыў на вынікі спаборніцтва) Крымінальнага кодэкса Рэспублікі Беларусь.

У рамках расследавання атрыманы аб'ектыўныя звесткі аб іх датычнасці да ўчынення супрацьпраўных дзеянняў. Дапытаныя ў якасці падазраваных спартоўцы пацвердзілі, што названы матч насіў дамоўны характар.

Цяпер прадаўжаецца правядзенне следчых дзеянняў, накіраваных на ўстанаўленне абставінаў учынення злачынства, паведамляе афіцыйны сайт СК Рэспублікі Беларусь.