Якім будзе надвор'е на пачатку тыдня
- 1.12.2019, 20:23
- 9,274
Сіноптыкі зрабілі прагноз на 2 снежня.
Кароткачасовы снег чакаецца ў Беларусі 2 снежня, на асобных участках дарог рэспублікі захаваецца галалёдзіца. Пра гэта паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Міністэрства прыроды.
Будзе воблачнае з праясненнямі надвор'е. Уначы ў асобных раёнах, удзень на большай частцы тэрыторыі прагназуюцца кароткачасовыя ападкі - у асноўным снег. Месцамі слабы галалёд, на асобных участках дарог галалёдзіца.
Вецер заходні, паўднёва-заходні ўмераны, удзень месцамі парывісты. Тэмпература ўначы складзе ад нуля да мінус 6, удзень будзе ад 4 градусаў ніжэй за нуль да 2 цяпла.