Зяленскі падпісаў закон пра дакументы для жыхароў Данбаса

Вярхоўная Рада прыняла гэты закон 12 снежня 2019 года.

У чацвер, 26 снежня, прэзідэнт Украіны Уладзімір Зяленскі падпісаў Закон «Аб унясенні змяненняў у Закон Украіны «Аб часовых мерах на перыяд правядзення антытэрарыстычнай аперацыі» пра асаблівасці афармлення дакументаў, якія сведчаць асобу і пацвярджаюць грамадзянства Украіны» №371-IX. Пра гэта паведамляе РБК-Украина са спасылкай на прэс-службу Офіса прэзідэнта Украіны.

Паведамляецца, што гэты дакумент рэгулюе пытанні афармлення дакументаў, якія сведчаць асобу і пацвярджаюць грамадзянства Украіны, грамадзянам, якія пражываюць у зоне правядзення антытэрарыстычнай аперацыі (АТА).

«Згодна з законам, грамадзянам, якія пражываюць у зоне правядзення АТА / мерапрыемстваў па забеспячэнні нацыянальнай бяспекі і абароны ў Данецкай і Луганскай абласцях, дакументы, якія сведчаць асобу і пацвярджаюць грамадзянства Украіны, афармляе цэнтральны орган выканаўчай улады, які рэалізуе дзяржаўную палітыку ў сферы міграцыі (іміграцыі і эміграцыі), па месцы звароту асобы або яго законнага прадстаўніка ва ўпаўнаважаныя органы, якія ажыццяўляюць свае паўнамоцтвы на тэрыторыі вобласці, у якой праводзіцца АТА / мерах забяспячэння нацыянальнай бяспекі і абароны», - гаворыцца ў паведамленні.

Дадамо, што гэты закон Вярхоўная Рада прыняла 12 снежня 2019 года.