Павал Севярынец: Тысячы гадоў беларусы змагаліся, каб свабодна жыць на сваёй зямлі

Нельга моўчкі глядзець, як махляры гуляюць значанымі картамі на наш суверэнітэт.

Сёння ў Менску праходзяць дзве акцыі, накіраваныя на абарону незалежнасці і суверэнітэту Беларусі.

Напярэдадні акцый адзін з лідараў Беларускай хрысціянскай дэмакратыі Павал Севярынец заявіў журналістам:

«Калі праходзяць такія перамовы, беларусы маўчаць не павінны.

Тысячы гадоў беларусы змагаліся, каб свабодна жыць на сваёй зямлі, дзясяткі тысячаў людзей аддалі за гэта свае жыцці

Мы не павінны моўчкі глядзець, як нейкія махляры збіраюцца, моўчкі раскладваюць нейкія значаныя дарожныя карты, а потым гэтымі картамі гуляюць на Беларусь.

Мы не будзем спакойна глядзець як нашу Радзіму прагуляюць у карты».