«Паўночны струмень-2»: Амбасадары ЕЗ зацвердзілі тэкст змяненняў у газавай дырэктыве
1- 21.02.2019, 10:20
- 10,051
Увесь газаправод цяпер будзе падпарадкоўвацца правілам Еўразвязу.
Камітэт сталых прадстаўнікоў дзяржаў ЕЗ (Coreper) узгадніў праект паправак да газавай дырэктывы ЕЗ, якія тычацца праекта газаправода «Паўночны струмень-2».
Пра пастанову камітэта паведаміла прэс-служба Рады ЕЗ у Twitter, паведамляе eurointegration.com.ua.
«Правілы газавага рынку ЕЗ будуць ужывацца да трубаправодаў і з трэціх краін. Coreper ухваліў пагадненне паміж Румыніяй, якая старшынюе ў ЕЗ, і Еўрапарламентам аб газавай дырэктыве», - гаворыцца ў паведамленні.
EU gas market rules will apply to #pipelines to and from third countries. @EUCouncil #Coreper just endorsed agreement between @ro2019eu and @Europarl_EN on #gas directive. More info & full text in our press release from last week: https://t.co/wPMepfMzCD https://t.co/YcNhrIzWik
— EU Council Press (@EUCouncilPress) 20 февраля 2019 г.
Мэтай прапанаваных паправак з'яўляецца забеспячэнне таго, каб правілы, якія рэгулююць унутраны рынак газу ў ЕЗ, ужываліся да газатранспартных ліній паміж дзяржавай-чальцом і трэцяй краінай.
«Гэта зробіць нарматыўна-прававую базу ЕЗ больш паслядоўнай, падвысіць празрыстасць і забяспечыць прававую пэўнасць як для інвестараў у газавай інфраструктуры, так і для карыстальнікаў сеткі», - гаворыцца ў паведамленні Рады ЕЗ.
Раней амбасадары ЕЗ унеслі нямецка-французскую папраўку ў праект змяненняў, якая абмяжоўвае выкарыстанне права ЕЗ да газаправодаў на морах.
Гаворка ідзе пра ўжыванне права ЕЗ толькі да тых частак газаправода, якія пралягаюць у тэрытарыяльных водах дзяржавы-чальца ўздоўж трасы газаправода. Таму, газавай дырэктыве ЕЗ будзе падпарадкоўвацца толькі тая частка «Паўночнага струменю-2», якая будзе праходзіць у тэрытарыяльных водах Нямеччыны.
Часткі газаправода за межамі вод Нямеччыны будуць падпарадкоўвацца правілам міжнароднага пагаднення, укладзенага Берлінам і Масквой. Тэарэтычна ж увесь газаправод павінен падпарадкоўвацца правілам ЕЗ, аднак дзяржавы-чальцы былі вымушаныя пагадзіцца на французска-нямецкую папраўку.
Для канчатковага зацвярджэння патрэбнае яшчэ галасаванне Рады ЕЗ у энэргетыцы, наступнае пасяджэнне якой запланаванае на 4 сакавіка, а таксама Еўрапарламента. Чакаецца, што еўрадэпутаты разгледзяць пытанне на пленарнай сесіі ў красавіку.