Зімбабвэ надумала, «адвязацца» ад даляра і ўвесці новую валюту

Цэнтрабанк краіны ануляваў электронныя даляры на рахунках грамадзян.

Цэнтральны банк Зімбабвэ абвясціў, што лічбавыя даляры, якія захоўваюцца ў электронных банках, а таксама сурагатная валюта, якая афіцыйна называецца даўгавымі распіскамі і прывязаная да амерыканскага даляра, больш не падлягаюць абмену ў прапорцыі 1:1 да даляра ЗША, паведамляе The Wall Street Journal (пераклад - РБК).

Кіраўнік Цэнтрабанка Джон Мангудзья заявіў, што ўся сурагатная валюта і электронныя даляры будуць пераназваныя ў даляры RTGS (Real Time Gross Settlement, брута разлікі ў рэальным часе) і будуць прадавацца на новым міжбанкаўскім валютным рынку ў дачыненні да даляра ЗША і іншых замежных валют.

Мангудзья растлумачыў, што гэты крок з'яўляецца прызнаннем таго, што ў краіне заканчваюцца даляры ЗША і што на чорным рынку даляр прадаецца з прэміяй 300-400%. Паралельны курс азначае, што Зімбабвэ працуе на два розныя даляры - рэальныя даляры і лічбавыя даляры, якія ацэньваюцца значна танней, тлумачыць кіраўнік Цэнтральнага банка Зімбабвэ.

Ён не стаў абвяшчаць фіксаваны абменны курс для новых даляраў RTGS, але ўдакладніў, што ён будзе залежаць ад кошту, які банкі будуць плаціць за куплю далараў ЗША у іншых банкаў.

З 2009 года Зімбабвэ пасля перыяду рэкорднай у сусветнай гісторыі гіперінфляцыі вывела са звароту ўласную валюту. Замест зімбабвійскага даляра жыхары краіны сталі выкарыстоўваць даляры ЗША, брытанскія фунты стэрлінгаў і валюты суседніх дзяржаў. З 2016 года ў краіне выпусцілі ўласную квазівалюту - сурагатныя даляры, афіцыйна прывязаныя да даляра ЗША ў прапорцыі 1:1 для кампенсацыі на рынку браку амерыканскіх даляраў ды іншай валюты, якая ходзіць у краіне.