Назарбаеў адправіў урад Казахстана ў адстаўку
8- 21.02.2019, 18:25
- 17,223
Кіраўнік Казахстана заявіў пра няўменне міністраў працаваць з насельніцтвам.
Кіраўнік Казахстана Нурсултан Назарбаеў адправіў у адстаўку ўрад краіны. Адпаведны ўказ ён падпісаў у чацвер, паведамляе "Радио Свобода".
Назарбаеў раскрытыкаваў працу ўрада. Кіраўнік заявіў пра няўменне міністраў працаваць з насельніцтвам. Са слоў Назарбаева, ураду сумесна з Нацбанкам так і не ўдалося ў поўнай меры стварыць рэальныя інструменты для якаснага росту эканомікі.
"У выніку фармальнага падыходу выканаўчых органаў частка сацыяльна-неабароненых слаёў насельніцтва не ахопленая адраснай сацыяльнай дапамогай", - гаворыцца ў заяве прэзідэнта. Часовым выканаўцам абавязку прэм'ер-міністра прызначаны Аскар Мамчын.
Апошнія два тыдні ў Казахстане праходзяць масавыя пратэсты шматдзетных маці, якія патрабуюць палепшыць якасць жыцця іх сем'яў. Пратэсты пачаліся пасля таго, як у пажары ў доме-часовых збудаваннях у Астане загінулі пяцёра малалетніх дзяўчынак.
Урад Казахстана з верасня 2016 года ўзначальвае прэм'ер-міністр Бахытжан Сагінтаеў. Згодна з Канстытуцыяй Казахстана, урад фармуе прэзідэнт краіны. Ён дзейнічае ў межах тэрміну паўнамоцтваў прэзідэнта і адказвае перад ім.