Больш за 100 твораў Сальвадора Далі прэзентуюць у Менску

Выставачны праект «Сальвадор Далі» прэзентуюць 16 сакавіка ў Нацыянальным мастацкім музеі.

Пра гэта паведамілі БелТА ва ўстанове.

У экспазіцыі будуць паказаныя больш за 100 твораў скульптуры, графікі і ювелірнага мастацтва, створаныя адным з найвялікшых мастакоў ХХ стагоддзя. Акрамя таго, дзве манументальныя скульптуры Сальвадора Далі размесцяцца ў гарадской прасторы.

«Выстаўленыя экспанаты з'яўляюцца часткай калекцыі «Сусвет Далі» (Dali Universe), якая ўважаецца адной з найбуйнейшых прыватных збораў скульптуры і дэкаратыўна-прыкладнога мастацтва Сальвадора Далі. Заснавальнік калекцыі і кіраўнік кампаніі «Сусвет Далі», італьянскі арт-дылер і калекцыянер Беніаміна Леві працаваў са знакамітым гішпанскім мастаком у 1960-х гадах, калі і пачаў збіраць калекцыю, асаблівую ўвагу надаючы трохмерным аб'ектам. Сёння ён прызнаны вядучым экспэртам у бронзе Сальвадора Далі», - адзначыла загадчыца сектарам міжнародных выстаў выставачнага аддзела музея, куратарка праекта Вольга Клецкіна.

Творы з гэтай калекцыі былі выстаўленыя больш чым у 100 прэстыжных музеях ва ўсім свеце, выставу наведалі блізу 12 млн чалавек. Такая незвычайная калекцыя раскрывае малавядомы аспект працы Далі, даючы магчымасць скульптары гуляць галоўную ролю.

Сальвадор Далі - самы вядомы мастак сюррэалізму, які адбіўся ва ўсіх сферах яго творчасці - жывапісу, скульптуры, дызайне, графіку, кіно, модзе. «Далі ўжываў сюррэалістычную канцэпцыю да ўсяго, што ён казаў і рабіў. Яго смеласць і мяцежнае стаўленне да мастацтва аддалілі яго ад іншых і дазволілі яму стварыць некаторыя з самых вядомых твораў ХХ стагоддзя. Нават праз 30 гадоў пасля смерці майстра ўплыў яго мастацтва можна ўбачыць амаль паўсюль у свеце. Імя Далі чароўнае, яно застаецца культавым для сучаснага мастацтва», - распавяла куратарка.

Выстава «Сальвадор Далі» пройдзе ў рамках святкавання 80-годдзя Нацыянальнага мастацкага музея Беларусі і будзе працаваць па 30 чэрвеня.