Закарпацкія памежнікі прапусцілі без чаргі аўтамабіль з 84,3 кг гераіну
11- 10.03.2019, 12:15
- 20,164
Наркотыкі перавозілі двое грамадзян Нідэрландаў.
4 сакавіка ўкраінскія памежнікі ў пункце пропуску «Салотвіна - Сігету-Мармацыей» (Закарпацце) без чаргі прапусцілі аўтамабіль, у якім іх румынскія калегі выявілі 84,3 кг гераіну. Пра гэта паведамляе «Перший кабельний».
На відэа, якое апублікаваў тэлеканал, відаць, як Renault у чаканні праверкі стаіць у чарзе пункта пропуску «Салотвіна». Пасля размовы з памежнікам машына пераязджае на іншую паласу, а мікрааўтобус, які стаіць наперадзе, саступае яму месца.
У той жа дзень румынскія памежнікі затрымалі Renault і выявілі ў ім рэкордную партыю цяжкіх наркотыкаў. Паводле паведамлення прэс-службы румынскага дырэктарата расследавання арганізаванай злачыннасці і тэрарызму, пад пасажырскім сядзеннем быў уладкаваны тайнік, у якім схавалі 167 упаковак гераіну.
Renault зарэгістраваны ў Нямеччыне, наркотыкі перавозілі двое грамадзян Нідэрландаў.