На Чыжоўскім вадасховішчы ад берагу адкалолася крыга з рыбакамі

Людзей атрымалася выратаваць.

Удзень 15 сакавіка два рыбакі патэлефанавалі ратавальнікам і сказалі, што яны дрэйфуюць на крызе, якая адкалолася ад берагу на Чыжоўскім вадасховішчы ў Менску, паведамілі ў МНС.

Выратавальнікі прыехалі і ўбачылі за 200 метраў ад берагу (глыбіня там блізу 3 м) на крызе (памерамі 70×300 метраў, таўшчыня лёду 13 см) двух мужчынаў. Яны рыбачылі, калі крыга адкалолася ад берагу.

З дапамогай выратавальнай вяроўкі і чоўна іх даставілі на бераг.