Чаму Рассельгаснагляд закрывае беларускую мяжу

Астатняй кропляй сталі «парагвайскія» яблыкі з Беларусі.

«Санкцыйныя» прадукцыя па-ранейшаму працягвае паступаць у Расею ў суправаджэнні беларускіх фітасанітарных сертыфікатаў, аформленых ГУ «Галоўная дзяржаўная інспекцыя насенняводства, каранціну і аховы раслін», паведаміла прэс-служба Рассельгаснагляду, піша «Экономическая газета».

У сувязі са шматлікімі выпадкамі яе выяўлення і тым, што беларускі бок не прымае дзейсных захадаў для спынення такіх паставак, Рассельгаснагляд пастанавіў не проста выяўляць падобную прадукцыю і вяртаць нашай краіне або знішчаць, а цалкам забараніць ўвоз усёй падкаранціннай прадукцыі з трэціх краін з тэрыторыі Беларусі праз беларуска-расейскую мяжу.

Відавочна, што астатняй кропляй, якая перапоўніла чару цярпення расейскага нагляднага органа, сталі пастаўкі таварных партый «парагвайскі» яблыкаў, якія пачаліся са снежня мінулага года. Яны, згодна з прадстаўленым перавозчыкамі дакументамі, былі выраблены ў Парагваі і ў суправаджэнні беларускіх фітасанітарных сертыфікатаў перавозіліся ў Расею. Як паведамляецца на сайце Рассельгаснагляду, аператыўна высветліць сапраўднае паходжанне гэтай прадукцыі не ўдалося, бо парагвайскі бок з тэхнічных прычын не адказваў на запыты.

Аднак 19 сакавіка перамовы прадстаўнікоў Рассельгаснагляду і Нацыянальнай службы якасці і бяспекі раслін і насення Парагвая ўсё ж адбыліся. Падчас іх парагвайскі бок заявіў, што ў краіне адсутнічае прамысловая вытворчасць яблыкаў, і адзначыла, што яны ніколі не пастаўлялі плодаагароднінную прадукцыю ні ў Еўразвяз, ні ў Расею.

Таму Рассельгаснагляд паведаміў беларускаму боку, што з 20 сакавіка 2019 года перасоўванне падкаранціннай прадукцыі з Парагваю ў Расею будзе магчыма выключна праз пункты пропуску, размешчаныя на расейскім адцінку вонкавай мяжы ЕАЭС, г.зн. праз Беларусь яе ўвоз цяпер забаронены. Больш за тое, калі не будзе знойдзена прымальнае развязанне пытання са спыненнем паставак «санкцыйнай» прадукцыі з трэціх краін з Беларусі, гэтая мера будзе распаўсюджаная на ўсе пастаўкі падкаранціннай прадукцыі з трэціх краін у Расею.