Юрый Бойка заявіў, што можа зняцца на карысць іншага кандыдата ў прэзідэнты Украіны
3- 22.03.2019, 14:43
- 10,513
Кандыдат у прэзідэнты Украіны не выключыў аб'яднання.
Кандыдат у прэзідэнты ад партыі «Апазіцыйная платформа - За жыццё» Юрый Бойка не выключае кааліцыі з іншымі партыямі, у тым ліку з «Бацькаўшчынай» Юліі Цімашэнкі. Пра гэта ён заявіў у эфіры NewsOne, піша liga.net.
Бойка сказаў, што гатовы аб'яднацца і сфармаваць кааліцыю з тым, «хто будзе з намі згодны, хто будзе рабіць крокі для міру ў краіне і тым, хто будзе абараняць эканамічныя інтарэсы» выбаршчыкаў.
На пытанне, ці магчымае ягонае аб'яднанне з Юліяй Цімашэнкай, ён адказаў: «Калі будзе пасыл да міру, то так».