Элізабэт ІІ апублікавала першае паведамленне ў Instagram
8.03.2019, 15:10
6,713
Гэта адбылося падчас візіту каралевы Вялікай Брытаніі ў Лонданскі музей навукі.
Каралева Вялікай Брытаніі Элізабэт ІІ размясціла сваё першае паведамленне ў папулярнай сацсетцы Instagram.
Пра гэта паведамляе The Washington Post (пераклад - «Новое время»).
Гэта адбылося падчас візіту каралевы ў Лонданскі музей навукі.
Элізабэт ІІ зрабіла публікацыю праз iPad у Instagram-акаўнце каралеўскай сям'і пад гучныя воплескі натоўпу.
«Сёння, падчас візіту ў Музей навукі, я з цікавасцю выявіла ліст з Каралеўскага архіва, напісаны ў 1843 годзе майму прапрадзядулю прынцу Альберту. Чарльз Бэбідж, якога ўважаюць за піянера кампутарнай навукі, стварыў вылічальную машыну, прататып якой меў магчымасць убачыць прынц Альберт у ліпені 1843 года», - напісала каралева.
Сваё паведамленне Элізабэт ІІ скончыла традыцыйнай подпісам: Elizabeth R.
