Фотафакт: Мянчук прыбудаваў да кватэры пакой проста ў паветры

А так можна было?

Да «хрушчоўкі» ў цэнтры Менска прыбудавалі пакой, які выступае са сцяны дома. Мяркуючы з усяго, пашыраная кухня. Фотаздымкі канструкцыі публікуе realt.by.

Самабуд рэалізаваны ў «хрушчоўцы» на вуліцы Гікалы. Мяркуючы з фасаду, кватэру на трэцім паверсе пашырылі яшчэ да капітальнага рамонту: «шпакоўня» пафарбаваная ў тон дома, пад тэрмафутрам складана вызначыць яе канструкцыю. Цікава, што прыбудова выступае нават за лінію балконаў.

Размешчаная канструкцыя проста над пад'ездам жылога дома. Аб трываласці яе гаварыць складана, але выглядае не надта надзейна.

Ці атрымалася ўзгадніць такую рэканструкцыю - вялікае пытанне. Усе фасадныя змены і перапланіроўкі ўнутры кватэры патрабуюць адпаведных дазволаў.