Жонка Дзмітрыя Быкава паведаміла пра паляпшэнне яго стану

Быкава шпіталізавалі 17 красавіка ў Уфе з падазрэннем на інсульт.

Стан расейскага пісьменніка Дзмітрыя Быкава трохі палепшыўся, паведаміла яго жонка Ірына Лук'янава.

«Лекар кажа, стан стабільны. Невялікія змены да лепшага ёсць, сур'ёзных змен няма», - напісала яна ў сваім Facebook.

Быкава шпіталізавалі 17 красавіка ў Уфе з падазрэннем на інсульт. Яго ўвялі ў штучную кому. На наступны дзень пісьменніка перавезлі ў маскоўскую лякарню. ТАСС са спасылкай на крыніцы ў медыцынскіх колах Башкірыі паведаміў, што ў Быкава інфаркт галаўнога мозгу.

Выдавец «Новай газеты» Дзмітрый Муратаў і галоўны рэдактар радыёстанцыі «Эхо Москвы» Аляксей Венедыктаў зняпраўдзілі гэтую інфармацыю.