7 снежня 2019, Субота, 23:38
Засталося зусім крыху
Рубрыкі

Лукашэнка напярэдадні Вялікадня разважаў пра «заслугі» Сталіна

113
Лукашэнка напярэдадні Вялікадня разважаў пра «заслугі» Сталіна

Дыктатар на суботніку працаваў на «Лініі Сталіна».

Лукашэнка 20 красавіка на рэспубліканскім суботніку ўдзельнічаў у пасадцы дрэваў на тэрыторыі гістарычна-культурнага комплексу «Лінія Сталіна», паведамляе ягоная прэс-служба.

Перад пачаткам працаў Лукашэнку апавялі пра развіццё комплексу і арганізацыю новых экспазіцый.

«Калі б мы сур'ёзна паставіліся да гэтага ўмацаванага раёна, мерапрыемстваў, для чаго ён быў прызначаны, то немцам было б не так проста яе пераадолець», – канстатаваў Лукашэнка.

Пасля заканчэння пасадкі дрэваў Аляксандр Лукашэнка пагутарыў з прадстаўнікамі СМІ. Дыктатар адзначыў, што суботнікі з'яўляюцца тым найлепшым з савецкага мінулага, што трэба было прыўнесці ў сучаснасць. На думку кіраўніка, сёння ў Беларусі няшмат людзей мяркуюць, што суботнікі перажыткі мінулага.

Лукашэнка заявіў, што падзеі ваенных гадоў, якія развіваліся ў раёне «Лініі Сталіна», вучаць заўсёды быць гатовымі да адбіцця агрэсіі. «Гэта ўрок, гэта тая невядомая гісторыя нашай краіны, якую мы павінны ведаць. І гэты ўрок падштурхоўвае нас да таго, каб порах трымаць сухім і каб мы заўсёды былі гатовыя з любога боку адбіць агрэсію супраць нас», – сказаў Лукашэнка.

Дыктатар апавёў, што, калі ствараўся гістарычна-культурны комплекс, было шмат праціўнікаў гэтага, якія абвінавачвалі ўлады ва ўвекавечанні памяці пра Сталіна.

«Ды я не імя Сталіна адраджаў, хоць і ён гэтага заслугоўвае. Я адраджаў гэты аб'ект, які кажа пра тую частку гісторыі, якая была ў нас, і якую, на жаль, на той час няправільна разумелі», – падкрэсліў Аляксандр Лукашэнка.