«Пад бел-чырвона-белым сцягам з марай пра Свабоду»

З'явілася відэа пра беларускіх добраахвотнікаў ва Украіне.

На YouTube-канале Ukraine History Archive з'явілася відэа «Білоруські добровольці» (Беларускія добраахвотнікі) прысвечанае беларусам, якія паехалі ваяваць на Данбас за свабоду Украіны, паведамляе "Радыё Рацыя".

«З пачаткам расейскай агрэсіі супраць Украіны на дапамогу ўкраінскаму народу накіраваліся беларускія добраахвотнікі. Добраахвотнікі ахвяравалі планамі на сваё жыццё і магчымасцю вярнуцца дадому ў Беларусь, дзе ўлада паабяцала змагарам за свабоду Украіны пераслед. Беларусы адправіліся на вайну ў складзе розных валанцёрскіх батальёнаў, пад нацыянальным бел-чырвона-белым сцягам Беларусі з марай бачыць Украіну і Беларусь свабоднымі!», - гаворыцца ў прадмове да відэа.