Прэзідэнт Эстоніі зацвердзіла склад новага ўрада

Керсці Кальюлайд зацвердзіла склад урада, прапанаваны Цэнтрысцкай партыяй, партыяй «Радзіма» і Кансерватыўнай народнай партыяй.

Прэзідэнт Эстоніі Керсці Кальюлайд зацвердзіла ў сераду склад урада, прапанаваны Цэнтрысцкай партыяй, партыяй «Радзіма» і Кансерватыўнай народнай партыяй (EKRE).

Пра гэта паведамляе «Европейская правда» са спасылкай на Postimees.

На ўрачыстай цырымоніі заяву зрабілі як кіраўнік дзяржавы, так і тры кіраўнікі кааліцыйных партый: Юры Ратас з Цэнтрысцкай партыі, Март Хельме з Эстонскай кансерватыўнай Народнай Партыі і Хелір-Вальдар Сеэдэр з «Айчыны».

Прэм'ер-міністр Юры Ратас сказаў, што новы ўрад будзе працаваць у імя дабрабыту Эстоніі.

Прэзідэнт Керсці Кальюранд заклікала ўвесці стадзённы перыяд на тое, каб урад змог спакойна пачаць працаваць.

Прэзідэнт Эстоніі Керсці Кальюлайд спачатку прапанавала сфармаваць урад лідару Партыі рэформаў Каі Калас як пераможцу выбараў, аднак яе, як магчымага прэм'ер-міністра, падтрымалі толькі 45 дэпутатаў. Пазней Кальюлайд прызначыла кандыдатам у прэм'ер-міністры Юры Ратаса як кіраўніка партыі, якая заняла другое месца на выбарах.