У Менску затрыманы дырэктар аднаго з філіялаў буйнога прадпрыемства
7- 5.04.2019, 10:51
- 19,402
Дырэктара падазраюць у хабары на $18 тысяч.
За атрыманне хабару ў асабліва вялікім памеры ў Менску затрыманы дырэктар аднаго з філіялаў буйнога прадпрыемства ў сферы энэргетыкі. Пра гэта паведамляе прэс-служба ГУУС Менгарвыканкама, піша tut.by.
- Падчас правядзення аператыўнікамі сталічнай міліцыі шэрагу аператыўна-вышуковых мерапрыемстваў была атрыманая інфармацыя аб атрыманні дырэктарам філіяла хабару ў асабліва вялікай суме ад службовай асобы камерцыйнага суб'екта гаспадарання. Сутнасць пытання ў тым, што падчас правядзення філіялам працэдур перамоў неабходна было выбраць «канкрэтнага» суб'екта гаспадарання для выканання будаўніча-мантажных работ у энэргасістэме, - гаворыцца ў паведамленні.
Сталічныя аператыўнікі затрымалі кіраўніка ў канцы сакавіка на месцы злачынства - пры атрыманні ім хабару сумай звыш 18 тысяч даляраў.
Распачатая крымінальная справа паводле ч. 3 арт. 430 КК РБ (Атрыманне хабару ў асабліва вялікай суміе). Санкцыя гэтага артыкула прадугледжвае пакаранне ў выглядзе пазбаўлення волі на тэрмін ад 5 да 15 гадоў з канфіскацыяй маёмасці і з пазбаўленнем права займаць пэўныя пасады або займацца пэўнай дзейнасцю. Сам фігурант сваю віну прызнаў цалкам.
Цяпер крымінальная справа расследуецца Маскоўскім раённым аддзелам Следчага камітэта Рэспублікі Беларусь.