Юлія Асаёнак здабыла бронзу на чэмпіянаце Еўропы ў цяжкай атлетыцы

У суме двухбор'я беларуска паказала вынік 150 кілаграмаў.

Беларуска Юлія Асаёнак здабыла бронзу на чэмпіянаце Еўропы ў цяжкай атлетыцы ў грузінскім Батумі.

У катэгорыі да 45 кг Юлія Асаенок к суме двухбор'я паказала вынік 150 кг (69 у рыўку + 81 у штуршку), паведамляе tut.by.

Падчас практыкаванняў у штуршку беларуска спачатку была лідаркай, падняўшы 81 кг у першай спробе, аднак затым не справілася з вагой 83 кг у другой і трэцяй спробах праз праблемы з каленам.

Юлія Асаёнак таксама здабыла малы срэбны медаль за практыкаванне ў рыўку (69 кг).

Чэмпіёнкай Еўропы ў катэгорыі да 45 кг у суме двухбор'я стала Шазі Эрдган з Турцыі - 163 кг (75 + 88), срэбра ў Іваны Пятровай з Балгарыі - 158 кг (69 + 89).

Чэмпіянат Еўропы ў Батумі пройдзе 6-13 красавіка, у турніры возьмуць удзел больш за 400 атлетаў з 43 краін. Медалі будуць разыграны ў 20 вагавых катэгорыях (па 10 у мужчын і жанчын).

7 красавіка на чэмпіянаце Еўропы ў Грузіі выступяць два прадстаўнікі Беларусі. А 17.00 на памост выйдзе Людміла Псышчаніца (да 55 кг), а 19.30 - Генадзь Лапцеў (да 61 кг).