У Екацярынбургу трэці дзень працягваюцца пратэсты ў абарону сквера

Тысячы пратэстуючых скандуюць «З намі ўся Расея!».

У Екацярынбургу трэці дзень працягваецца акцыя пратэсту абаронцаў сквера ля Тэатра драмы. Сёння гарадскія актывісты, у тым ліку прыхільнікі мясцовага штаба Аляксея Навальнага зноў апублікавалі заклік прыходзіць да месца будучага будаўніцтва храма святой Кацярыны да 19:00, але людзі пачалі збірацца ў скверы яшчэ ўдзень, паведамляе znak.com.

13 і 14 траўня супрацьстаянне бакоў працягвалася да глыбокай ночы. Напярэдадні не менш 23 чалавек былі затрыманыя, на 29 чалавек склалі адміністрацыйныя пратаколы. Сёння суды прызначаюць адміністрацыйныя арышты затрыманым.