Кангрэс ЗША прадугледзеў $250 мільёнаў для абароны Украіны

З іх да 50 мільёнаў будуць накіраваныя на набыццё смяротнай зброі.

Падкамітэт у пытаннях абароны Камітэта для асігнаванняў Палаты прадстаўнікоў Кангрэса ЗША зацвердзіў праект бюджэту Пентагона на 2020 год з 250 млн даляраў для Украіны. Пра гэта паведамляе РБК-Украіна са спасылкай на Facebook амбасады Украіны ў ЗША.

Паведамляецца, што ў Кангрэсе ЗША прапануюць выдаткаваць гэтыя сродкі на дапамогу Украіне ў сферы бяспекі. Са згаданай сумы 50 млн даляраў накіруюць выключна на пастаўкі смяротнай зброі.

«Дакументам прадугледжанае, што названыя сродкі павінны быць накіраваныя таксама на рэалізацыю такіх праграм, як падрыхтоўка вайскоўцаў, дапамога вайсковай тэхнікай і рыштункам, лагістычнае забеспячэнне, выведвальная падтрымка ўзброеных сіл і бяспекі нашай дзяржавы», - адзначылі ў пасольстве.

Таксама паведамляецца, што законапраект яшчэ павінны зацвердзіць Камітэт у пытаннях асігнаванняў, Палата прадстаўнікоў і Сенат, пасля чаго дакумент паступіць на подпіс амерыканскаму прэзідэнту.