Google прадказаў пераможцаў «Еўравізіі» на аснове запытаў
4- 17.05.2019, 21:51
- 18,134
У пяцёрку найлепшых увайшла прадстаўніца Беларусі.
Кампанія Google склала рэйтынг удзельнікаў песеннага конкурсу «Еўравізіі-2019» на аснове запытаў карыстальнікаў пошукавай сістэмы. Пра гэта паведамляецца на сайце Google Trends, паведамляе РБК.
Адзначаецца, што калі б краіны налічвалі балы, грунтуючыся на пошукавай актыўнасці карыстальнікаў з іншых краін, то першае месца заняў бы прадстаўнік Францыі Білан Асані. На другім месцы ў рэйтынгу ісландскі гурт Hatari, а трэцяе займае расейскі спявак Сяргей Лазараў. У пяцёрку найлепшых таксама ўвайшлі выканаўцы з Нідэрландаў і Беларусі.
У прэс-службе Google адзначылі, што ў 2017 годзе кампанія правільна прадказала пераможцу конкурсу. У 2018 г. пераможцам стаў выканаўца, які заняў другое месца ў рэйтынгу кампаніі.
Фінал «Еўравізіі» пройдзе ў Тэль-Авіве 18 траўня. Свае кампазіцыі прэзентуюць 26 краін.