20 чэрвеня 2019, Чацвер, 9:25
Мы ў адной лодцы
Рубрыкі

Трамп прапанаваў жанчыну на пасаду міністра ВПС

БАРБАРА БАРЭТ
ФОТА: BILL BERNSTEIN

Барбара Барэт раней працавала паслом і ўзначальвала аэракасмічны даследчы цэнтр.

Прэзідэнт ЗША Дональд Трамп вылучыў былую амбасадарку і прадпрымальніцу з Арызоны на пасаду міністра ВПС, паведамляе «Голас Амерыкі».

68-гадовая Барбара Барэт працавала паслом ЗША ў Фінляндыі ў 2008-2009 гадах пры адміністрацыі Джорджа Буша-малодшага. Яна таксама ўзначальвала даследчы цэнтр Aerospace Corporation да 2017 года.

«Яна будзе выбітным міністрам!» - напісаў Трамп у Твітэры ў аўторак.

Былая адвакатка і лётчыца-выпрабавальніца, Барэт таксама з'яўляецца чальцом Рады дырэктараў аналітычнага цэнтра Rand Corporation, які праводзіць даследаванні для ўзброеных сіл ЗША.