27 чэрвеня 2019, Чацвер, 4:05
Мы ў адной лодцы
Рубрыкі

Медзвядчук заявіў пра складанне паўнамоцтваў перагаворшчыка што да Данбасу

20
ФОТА: REUTERS
ВІКТАР МЕДЗВЯДЧУК

Кум Пуціна заявіў, што не мае намеру прадстаўляць інтарэсы Зяленскага на перамовах з РФ.

Старшыня палітрады партыі «Апазіцыйная платформа - За жыццё» Віктар Медзвядчук заявіў выданню «Взгляд», што не мае намеру прадстаўляць інтарэсы каманды прэзідэнта Украіны Уладзіміра Зяленскага на перамовах з Расеяй.

«Пазіцыя спадара Зяленскага, якую ён сфармуляваў, цалкам супярэчыць майму мірнаму плану, які прадугледжвае аўтаномію для гэтых тэрыторый», - сказаў Медзвядчук.

Напярэдадні кіраўнік адміністрацыі прэзідэнта Андрэй Богдан заявіў, што каманда Зяленскага і сам кіраўнік дзяржавы не бачаць Медзвядчука сваім перагаворшчыкам. «Мы не бачым яго перагаворшчыкам з нашага боку. Калі Расея бачыць яго са свайго - гэта іх выбар», - сказаў Багдан ў эфіры тэлеканалу «1 +1» (цытата паводле ТСН).

На яго думку, Расея пагодзіцца на дыялог «рана ці позна». «Пытанне ў тым, калі і на якіх умовах. Але калі мы хочам міру, то размаўляць трэба», - сказаў Багдан.