Беларусь вярнула Расеі больш за 80 тысяч тон бруднай нафты

Транспартаванне чыстай нафты ідзе ў планавым рэжыме.

Пра гэта паведамілі 27 траўня на сайце канцэрна «Белнафтахім».

«З 24 траўня 2019 года ў другой галінцы трубаправода («Дружба») у кірунку расейскай ЛПДС «Унеча» пачалося транспартаванне забруджанай нафты, назапашанай у рэзервуарах ЛПДС «Мазыр» пасля першага этапу яе выцяснення. На 0:00 гадзін 27 траўня з беларускай тэрыторыі адпраўлена больш за 80 тысяч тон нафты», - сказана ў паведамленні.

Транспартаванне чыстай нафты ў кірунку Мазырскага НПЗ і ва ўкраінскім кірунку ідзе ў планавым рэжыме згодна з графікамі прапампоўвання. Мазырскі НПЗ перапрацоўвае нафту, якая адпавядае стандарту якасці, з планавай вытворчай загрузкай. ААТ «Нафтан», удакладнілі ў «Белнафтахіме», знізіў загрузку, перапрацоўваючы нафту, якая паступае па нафтаправодзе Сургут - Полацк і якая мае стандартныя паказчыкі якасці.

Нафтаправод «Дружба» забяспечвае экспарт нафты праз Беларусь ва Украіну і ў Еўропу. 19 красавіка «Белнафтахім» паскардзіўся на значнае пагаршэнне якасці нафты з Расе, якая пастаўляецца па трубаправодзе. Пазней «Транснафта» заявіла, што экспартаваную нафту наўмысна забрудзілі хлорарганічных злучэннямі. СКР пачаў крымінальную справу аб наўмысным забруджванні нафты. У выніку паводле справы выставілі абвінавачванні чатыром топ-мэнэджэрам прыватных кампаній.