SpaceX запускае карабель да МКС: жывая трансляцыя

Falcon 9 адправіць беспілотны Dragon з 2,5 тонамі грузаў.

Сёння, 3 траўня а 10:11 раніцы паводле менскага часу, у ЗША плануюць запусціць ракету-носьбіт сярэдняга класа Falcon 9, якая павінна вывесці на траекторыю да Міжнароднай касмічнай станцыі беспілотны карабель Dragon з рознымі грузамі, паведамляе liga.net.

Місія носіць назву CRS-17: сямнаццаты палёт SpaceX паводле камерцыйнай праграмы забеспячэння МКС.

Паводле стану на вечар 2 траўня прагноз надвор'я быў несуцяшальным: запуск, магчыма, перанясуць на 09:48 раніцы 4 траўня.

Фінальная пагрузка за некалькі гадзін да старту (фота - John Kraus):

Калі ж будзе прынятая пастанова стартаваць у паказаны вышэй час, запальванне адбудзецца дакладна аб 10:11 паводле Менску на стартавай пляцоўцы SLC-40 авіябазы ВПС ЗША на мысе Канаверал у штаце Фларыда.

Стартавае акно - некалькі секунд: трэба «злавіць» МКС у патрэбным пункце арбіты ў патрэбны час.

Праз 9 хвілін пасля запуску SpaceX маюць намер мякка пасадзіць маршавую ступень ракеты (новая B1056.1, яшчэ не лётала) на аўтаномную плывучую платформу Of Course I Still Love You, ужо размешчаную ў Атлантычным акіяне менш як у 20 км ад месца старту:

Раніцай 3 траўня з'явілася паведамленне, што платформу, магчыма, вяртаюць у порт: гэта можа быць прыкметай таго, што старт адкладуць праз нялётнае надвор'е.

Адзначым, што 10 дзён таму на іспытах Crew Dragon адбыўся выбух, які разбурыў карабель для пілатаваных палётаў. Менавіта таму прыступку пасадзяць на робат-платформу ў акіяне: аварыйны тэст праводзілі на пляцоўцы LZ-1 побач са стартавай, і пакуль не хочуць яе чапаць, каб разабрацца ў прычынах ПП.

Нагадаем, мінулы запуск грузавіка да МКС таксама не абышоўся без анамалій: Dragon паспяхова вывелі на арбіту, аднак падчас тармажэння ў атмасферы прыступкі, якая вяртаецца, не спрацавала адно са стырноў - аўтаматыка адвяла аварыйны паскаральнік ад берага і мякка «прывадніла» яго.

Каб паглядзець «небяспечныя зоны» цяперашняга запуску, адкрыйце інтэрактыўную мапу. Для падзення не згарэлых абломкаў другой ступені выдзеленая зона на поўдні ад Аўстраліі:

На другі дзень палёту Dragon даставіць да амерыканскага стыковачнага вузла Harmony на станцыі матэрыялы для дзесяткаў з больш чым 250 навуковых і даследчых даследаванняў, якія праводзяцца ў час гэтай экспедыцыі (МКС-59) і будуць праведзеныя пры МКС-60.

Агульная вага грузаў - 2482 кг, з якіх 1517 кг знаходзяцца ў герметычным адсеку пры пакаёвай тэмпературы і нармальным ціску, а 965 кг - у негерметычным.

У негерметычным адсеку спакаваныя двое «пасажыраў». Першы - інструмент NASA для вымярэння канцэнтрацыі і распаўсюду вуглякіслага газу ў атмасферы Зямлі, Orbiting Carbon Observatory-3 (ОСО-3). Яго ўсталююць звонку на японскі модуль МКС.

Другі - інструменты праграмы Space Test Program-Houston 6 (STP-H6): аналізатар для даследавання іёнасферы, суперкампутар для апрацоўкі малюнкаў, інфрачырвоная камера для здымкі атмасферы і іншае, у тым ліку дэманстратар для выпрабаванні ў космасе новай тэхналогіі генерацыі пучкоў мадуляванага рэнтгенаўскага выпраменьвання. Навукоўцы мяркуюць, што гэта спатрэбіцца для сувязі з зондамі ў глыбокім космасе або для сувязі з гіпергукавымі транспартнымі сродкамі, дзе разагрэтыя абалонкі перашкаджаюць традыцыйнай радыёсувязі.

Што вязуць у герметычным адсеку:

матэрыялы для даследаванняў - 726 кг;

абсталяванне і запчасткі для МКС - 357 кг;

грузы для экіпажа - 338 кг;

«Жалеза» для кампутараў - 75 кг;

перадачу для расейцаў - 11 кг;

элементы экіпіроўкі для выхаду ў адкрыты космас - 10 кг.

У гэты спіс уваходзяць кампаненты для новай сістэмы захоўвання вады, фільтры для абнаўлення сістэмы інтэрмодульнай вентыляцыі, стыковачнае абсталяванне для будучых пілатаваных місій ЗША і «лядоўню» для загрузкі ў карабель матэрыялаў даследаванняў.

Акрамя таго, у кантэйнерах - матэрыялы для мноства біямедыцынскіх даследаванняў.

Тут у фармаце PDF можна паглядзець падрабязней склад грузу, а таксама даведацца, што забяруць з МКС.

Ракета

Вышыня Falcon 9 Block 5 - блізу 70 м, дыяметр прыступак - 3,66 м, дыяметр насавога абцякальніка (грузавога адсека) - 5,3 м, маса без паліва - блізу 29 тон, з поўнай запраўкай - да 549 тон. Цягу маршавай прыступкі забяспечваюць 9 рухавікоў Merlin 1D, другі - 1 рухавік Merlin 1D Vacuum, абодва працуюць на сумесі вадкага кіслароду і ракетнай газы.

Гэтая мадыфікацыя Falcon 9 агулам адпавядае крытэрам NASA для пілатаваных палётаў. Менавіта яе разам з караблём Crew Dragon будуць з невялікімі дапрацоўкамі выкарыстоўваць для вываду астранаўтаў на арбіту і вяртання іх на Зямлю.

Ракета і карабель створаныя амерыканскай прыватнай кампаніяй SpaceX, прычым гэты канкрэтны Dragon ужо лётаў на МКС у жніўні 2017 года (місія CRS-12).

Пасекундны таймлайн CRS-17 даступны ў PDF. Калі ракета стартуе 3 траўня, вяртанне капсулы з МКС і яе прываднення ля берагоў Каліфорніі плануецца на 31 траўня.