У Казахстане ў дзень інаўгурацыі новага прэзідэнта затрымалі 250 пратэстоўцаў
1- 13.06.2019, 10:07
- 7,953
Мітынгі ў Казахстане праходзяць пад лозунгам «Такаеў - не мой прэзідэнт».
На плошчы «Астана» ў казахстанскім горадзе Алма-Аты затрыманыя сотні чалавек, якія вечарам 12 чэрвеня выйшлі на мітынг. Удзельнікі акцыі выступаюць супраць новага прэзідэнта краіны Касым-Жомарта Такаева. Паведамляецца таксама пра затрыманні журналістаў.
«Інтэрфакс» паведамляе, што ў Алматы затрымалі 250 удзельнікаў пратэстных акцый, піша, korrespondent.net.
Так, каля Палаца спорту імя Балуана Шолака затрыманыя блізу 50 чалавек, у раёне плошчы Астана - больш за 200 чалавек. Карэспандэнт агенцтва налічыў некалькі паліцэйскіх аўтобусаў з затрыманымі, якія павезлі іх у аддзелы паліцыі.
Some people today were detained for intending to protest. Others just protested at being wrongfully detained. They all ended up in the same bus. #almaty #kazelection2019 pic.twitter.com/CYNiV6a25U
— Chris Rickleton (@ChrisRickleton) 12 июня 2019 г.
Мітынгі ў Казахстане праходзяць пад лозунгам «Такаеў - не мой прэзідэнт». Іх удзельнікі мяркуюць, што выбары не былі сумленнымі і свабоднымі. Назіральнікі місіі Арганізацыі бяспекі і супрацоўніцтва ў Еўропе заявілі, што прэзідэнцкія выбары ў Казахстане прайшлі з парушэннямі асноўных свабод і дэмакратычных стандартаў.
За апошнія некалькі дзён гэта ўжо трэцяе буйное затрыманне людзей, якія пратэстуюць супраць вынікаў прэзідэнцкіх выбараў (на іх 9 чэрвеня з вынікам 70,96% перамог Касым-Жомарт Такаеў), а таксама супраць рэжыму першага прэзідэнта Нурсултана Назарбаева, які цяпер займае пасаду кіраўніка Савета бяспекі . Грамадскія пратэсты - рэдкасць у жорстка кантраляванай краіне.
Arrestig 75 year old man #Kazakhstan pic.twitter.com/BghY1tWCQh
— Joanna Lillis (@joannalillis) 10 июня 2019 г.
9 і 10 чэрвеня масавыя затрыманні адбыліся ў Алма-Аты і Нур-Султане. МУС кажа пра 700 затрыманых, актывісты і праваабаронцы мяркуюць, што колькасць можа перавысіць 5 000 чалавек. Вядома, што многіх затрыманых вывозяць з Алма-Аты і Нур-Султана ў суседнія гарады праз нястачу месцаў у аддзелах паліцыі.
Акрамя таго, у краіне з 10 чэрвеня назіраюцца перабоі ў працы сацыяльных сетак. З абеду 11 чэрвеня да вечару 12 чэрвеня ў краіне адключаныя WhatsApp, Facebook, Instagram, Telegram, яны даступныя толькі пры ўключэнні VPN. На прэс-канферэнцыі 10 чэрвеня Касым-Жомарт Такаеў заявіў, што «не ў курсе» блакаванняў.
Адключэнне сацыяльных сетак практыкуецца ўладамі Казахстана рэгулярна: да прыкладу, 9 траўня значная частка мэсэнджараў таксама была недаступная на тэрыторыі рэспублікі.