Дуда: Пашырэнне кантынгенту ЗША ў Польшчы - адказ на вайсковыя вучэнні ў Беларусі
4- 13.06.2019, 10:34
- 8,666
Таксама Польшча ўстурбаваная мілітарызацыяй Калінінградскай вобласці РФ.
Прэзідэнт Польшчы Анджэй Дуда назваў пашырэнне кантынгенту ЗША ў краіне адказам на дзеянні Расеі. Пра гэта паведамляе "Укрінфарм".
Паводле ягоных слоў, цяперашнія дзеянні з боку Паўночнаатлантычнага альянсу і ЗША "з'яўляецца адказам на тое, што Расея робіць у Калінінградскай акрузе, а таксама на яе шырокамаштабныя вучэнні ў Беларусі".
Дуда мяркуе, што рэакцыя Расеі з нагоды пашырэння амерыканскай прысутнасці ў Польшчы наўрад ці будзе вострай, бо Калінінградская вобласць РФ і без таго з'яўляецца найбольш мілітарызаванай зонай у Еўропе.
"Я не спадзяюся на нейкую асаблівую рэакцыю Масквы, бо Масква ўвесь час дадае ўзбраення ў Калінінградскую акругу. На сёння гэта найбольш мілітарызаваная зона ў Еўропе, і гэта ўжо доўжыцца даўно", - падкрэсліў прэзідэнт Польшчы.
12 чэрвеня 2019 года прэзідэнт ЗША Дональд Трамп заявіў, што Вашынгтон разглядае магчымасць адпраўкі ў Польшчу 2 000 амерыканскіх вайскоўцаў, але пастанова з гэтай нагоды пакуль не прынятая.