Трамп назваў імя новага кіраўніка Пентагона

Ім стаў міністр наземных сіл ЗША.

Міністр наземных сіл ЗША Марк Эспер стане новым выканаўцам абавязкаў кіраўніка Пентагона.

Пра гэта прэзідэнт ЗША Дональд Трамп заявіў у сваім Twitter, паведамляе «Европейская правда».

«Выканаўца абавязкаў кіраўніка Пентагона Патрык Шанахан выканаў выдатную працу. Але ён наважыў не прадаўжаць працэс зацвярджэння (на пасадзе сталага кіраўніка абароннага міністэрства. - Рэд.), бо хоча надаць больш часу сям'і», - напісаў Трамп.

Зацвярджэнню Шанахана, імаверна, перашкаджаў скандал з нібыта рукапрыкладствам у дачыненні да жонкі ў 2010 годзе.

Эспер быў віцэ-прэзідэнтам абароннай карпарацыі Raytheon, старэйшым супрацоўнікам у апараце Сената, узначальваў стратэгічны даследчы інстытут Heritage Foundation.

Яшчэ ў траўні прэс-сакратарка Белага дома Сара Сандэрс заяўляла, што Трамп прапануе кандыдатуру Шанахана на зацвярджэнне Сената.

Гэта паведамленне з'явілася ў Twitter Сандэрс пасля апублікавання расследавання этыкі Пентагона, якое паказала, што Шанахан, былы кіраўнік Boeing, бяздзейнічаў неналежным чынам на афіцыйных сустрэчах падчас абмеркавання вайсковых падрадчыкаў.

Як паведамлялася, пасля адстаўкі Мэціса Трамп сутыкнуўся з цяжкасцямі ў пошуках новага кіраўніка Пентагона - кандыдаты, якіх ён хацеў прапанаваць на высокую пасаду, яму адмаўлялі.