Дэлегацыя РФ у ПАРЕ адмовілася галасаваць аб рэзалюцыі наконт справы Нямцова

За рэзалюцыю аднагалосна прагаласавалі 40 дэпутатаў Асамблеі.

Расейская дэлегацыя ў Парламенцкай асамблеі Рады Еўропы (ПАРЕ) у чацвер, 27 чэрвеня, заявіла, што не будзе браць удзел у галасаванні з нагоды рэзалюцыі, якая заклікае ўлады РФ "зноў адкрыць і працягнуць" расследаванне забойства апазіцыйнага палітыка Барыса Нямцова. Як паведамляе DW са спасылкай на "Інтэрфакс", у дэлегацыі заявілі, што такая рэзалюцыя з'яўляецца актам ціску на следства, бо справа яшчэ не закрытая.

У выніку за рэзалюцыю, падрыхтаваную прадстаўніком Літвы Эмануэлісам Зінгерсам, якія знаходзіцца пад расейскімі санкцыямі, аднагалосна прагаласавалі 40 дэпутатаў Асамблеі, супраць не было нікога. Паводле правіл ПАРЕ, гэтага дастаткова для прыняцця дакумента.

У рэзалюцыі адзначаецца, што "не ўсе адпаведныя аспекты гэтай справы былі разгледжаны, і поўная праўда не была раскрытая". Аўтар згадвае шматлікія неадпаведнасці ў сведчаннях ключавых сведак, парушэнні падчас судовага разбору. Акрамя таго, у рэзалюцыі таксама звяртаецца ўвага на шчыльную сувязь так і не знойдзена Руслана Мухудзінава, які паводле версіі следства выступіў заказчыкам забойства палітыка, заплаціўшы выканаўцам 15 млн рублёў, і Заура Дадаева, які непасрэдна страляў у Нямцова, з "вышэйшымі ўзроўнямі вайсковай і палітычнай улады ў Чачэніі ". Вельмі малаімаверна, што гэтыя людзі "маглі б арганізаваць складаную аперацыю публічнага забойства выдатнага палітычнага дзеяча ў цэнтры Масквы без папярэдняга паведамлення і ўхвалення, калі не дырэктыўнага загаду свайго іерархічнага начальства", - адзначаецца ў дакуменце. Асамблея назвала кіраўніка Следчага камітэта Аляксандра Бастрыкіна і намесніка генпракурора Віктара Грыня "асабліва адказнымі за крах расследавання і адсутнасць даверу да довадаў абвінавачвання".

Вяртаючы паўнамоцтвы РФ

У прынятай напярэдадні рэзалюцыі, што пацвердзіла паўнамоцтвы расейскай дэлегацыі, якая вярнулася ў ПАРЕ пасля трохгадовай адсутнасці, Маскву прызвалі ў поўнай меры супрацоўнічаць у расследаванні забойства Барыса Нямцова.

Барыс Нямцоў быў забіты стрэламі ў спіну 27 лютага 2015 года на Вялікім Маскварэцкім мосце. Пяць чалавек, названыя следствам выканаўцамі злачынства, у 2017 годзе былі прысуджаныя да працяглых тэрмінаў турэмнага зняволення, але заказчыкі забойства незнойдзеныя дагэтуль.