18 чэрвеня 2019, aўторак, 15:02
Мы ў адной лодцы
Рубрыкі

Што пайшло не так з «хаджэннем Лукашэнкі ў народ»

89

Дзе ж «удзячныя беларусы»?

Нечаканае з'яўленне Лукашэнкі з сынам Мікалаем і світай на вуліцах Балбасава звярнула на сябе ўвагу. І вось з якой прычыны, піша «Салiдарнасць».

Лукашэнка здзейсніў выхад у народ. Кадры ягонага выпадковага з'яўлення ў Балбасаве з'явіліся ў інтэрнэце. Прычым, Лукашэнка выявіўся настолькі «народным», што нават набыў кефір і марозіва ў мясцовай краме, пра што не прамінула паведаміць грамадскасці Наталля Эйсмант.

- Кефір і марозіва, набытыя тут жа, прыйшліся да спадобы! - адзначыла прэс-сакратарка дыктатара.

У гэтым праменадзе Аляксандра Рыгоравіча ёсць адна дзіўная рэч. Мяркуючы з усяго, беларускі дыктатар з'явіўся на вуліцах Балбасава сапраўды нечакана. Кадры, якія мы бачым, не выглядаюць пастановачнымі. Жанчына з дзяўчынкай на прыпынку і мужычок у цішотцы на заднім плане мала цягнуць на агентаў пад прыкрыццём. Звяртае на сябе ўвагу амаль пустая вуліцы, але, з іншага боку і Балбасава - не цэнтар Менску.

І ў гэтай сувязі кадры з роварнага шпацыру Лукашэнкі моцна кантрастуюць з тымі, якія нам даводзіцца бачыць па БТ з розных паездак Лукашэнкі па рэгіёнах. Узгадайце гэты натоўп удзячных грамадзян вакол Аляксандра Рыгоравіча. І параўнайце з цяперашняй паездкай.

І вось выяўляецца, што варта Лукашэнку самастойна выбрацца ў народ, як гэты народ кудысьці знікае. Аляксандра Рыгоравіча не абступае натоўп, пенсіянеры са слязамі на вачах не дзякуюць за «мудрае кіраўніцтва».

Вось жанчына са спакойным выглядам прадаўжае спакойна стаяць і чакаць свайго аўтобуса. Побач з ёй дзяўчынка, па твары якой нават не зразумела, ці пазнала яна гэтага мужчыну ў кепцы? Мужычок на заднім фоне, як еў, так і прадаўжае есці сваё марозіва, нібы кожны дзень бачыць Лукашэнку з сынам.

Гэта прыкладна і ёсць тая самая рэакцыя і тыя самыя сапраўдныя эмоцыі, якія мы не ўбачым па БТ.

Невядома, якія высновы зробіць Аляксандр Лукашэнка аб ходзе будаўніцтва ўзлётна-пасадачнай паласы і выкананні ягоных даручэнняў, але сёе-тое новае для сябе з гэтай паездкі напэўна вынесе.

Як гаворыцца, нічога сабе па кефір схадзіў.