Старажытнае мастацтва: на дагістарычным камені выявілі гравіроўку коні
1- 7.06.2019, 16:55
- 10,059
Малюнак належыць да перыяду палеаліту.
Палеалітычная пліта з крамяністага пясчаніку даўжынёй блізу 25 см, шырынёй 18 см і таўшчынёй 3 см была знойдзена пры раскопках участка ў паўднёва-заходнім раёне Ангулема на поўнач ад Бардо, піша National Geograpchic.
Археолагі адзначаюць, што яна ўтрымлівае геаметрычныя фігуры і звярыныя сілуэты. Сярод іх самым выразным з'яўляецца выгравіраваны малюнак безгаловага каня, які займае палову паверхні пліты з аднаго боку. Ногі і капыты жывёліны выкананы вельмі рэалістычна, а вакол сілуэту размешчаны прымітыўныя ўзоры.
На пліце намаляваныя і іншыя жывёлы - пара сілуэтаў меншых. Абапіраючыся на выразную форму іх капытоў, археолагі адзначаюць, што гэта можа быць алень і яшчэ адзін конь. Фрагменты іх фігур драбнейшыя і намаляваныя схематычна. Узрост малюнкаў - блізу 12 000 гадоў, яны належаць да эпохі палеаліту: перыяду, які пачаўся больш за два мільёны гадоў таму і скончыўся блізу 8000 гадоў да нашай эры.
Не так даўно ў іншай частцы Францыі, непадалёк ад горада Плугастэль-Даўлас, былі знойдзеныя сланцавые пліты, якія таксама змяшчаюць выявы жывёл і ўзоры. Яны былі створаны ў перыяд паміж 14 700 і 14 500 гадамі да нашай эры. Новая знаходка дазваляе правесці параўнальны аналіз і больш даведацца пра развіццё выяўленчага мастацтва ў старажытнасці.