Гудкову і Собаль адмовілі ў рэгістрацыі на выбарах у Масгардуму

Кандыдаты, якія атрымалі адмову, паклікалі сваіх прыхільнікаў на акцыю пратэсту на Трубнай плошчы.

Увечары ў аўторак, 16 ліпеня акруговыя выбарчыя камісіі прынялі пастанову адмовіць у рэгістрацыі на выбарах у Масгардуму некалькім апазіцыянерам. Адмовы атрымалі экс-старшыня «Яблока» Сяргей Мітрохін, юрысты Фонду барацьбы з карупцыяй Любоў Собаль і Іван Жданаў і былы дэпутат Дзярждумы Дзмітрый Гудкоў. Жывую трансляцыю пасяджэнняў выбаркамаў вяла каманда Собаль (43 акруга) і Гудкова (5 акруга) пра тое, што ёй адмовілі ў рэгістрацыі, у сваім твітэры паведаміла чалец Ціміразеўскага савету дэпутатаў Юлія Галяміна. Адмову РБК пацвердзіў і дэпутат акругі Зюзіна Канстанцін Янкаўскас.

Гудкоў і Жданаў сказалі РБК, што будуць аспрэчваць адмовы ў судзе і ў вышэйсшых камісіях - у Масгарвыбаркаме і Цэнтрвыбаркаме. Раней, 15 ліпеня, у рэгістрацыі адмовілі старшыні савета дэпутатаў Краснасельскай акругі Іллі Яшыну. Паводле ягоных слоў, адмова была звязаныя ў тым ліку і з выкарыстаннем ім адміністрацыйнага рэсурсу. Раней яго канкурэнт у 45 акрузе Міхаіл Конеў заявіў, што Яшын выкарыстаў сайт савета дэпутатаў для размяшчэння ўласнай агітацыі.

Прычына нерэгістрацыі астатніх апазіцыйных кандыдатаў - нібыта ў вялікім адсотку адбракаваных подпісаў выбарцаў. Кандыдаты абвінавачвалі акруговыя камісіі ў несправядлівай адбракоўцы подпісаў. Выбаркамы абвясцілі несапраўднымі подпісы людзей, якія пацвярджалі, што падпісаліся за ўдзельнікаў выбараў.