Вудкрафт: Менскае «Дынама» павінна стаць вельмі ўпартай камандай

Настаўнік менскага «Дынама» падзяліўся ўражаннямі пасля трэніроўкі "зуброў" на зборы ў Пінску.

Галоўны трэнер менскага "Дынама" Крэйг Вудкрафт падзяліўся ўражаннямі пасля трэніроўкі "зуброў" на зборы ў Пінску. Акрамя асновы, там жа праводзяць кэмп дзве каманды інстытута зборных: "17-годкі" Дзмітрыя Шульгі і "18-годкі" экс-трэнера СДЮШАР БФСТ "Дынама" Аляксандра Румо.

- Выдатны першы дзень! Хакеісты прадэманстравалі энэргію, запал, азарт. Мы чакалі ўбачыць высокі тэмп, і трэніроўка сапраўды прайшла на сур'ёзных хуткасцях. Гэта трэба зрабіць звычкай, калі мы хочам перамагаць. Каб стаць паспяховым клубам, неабходна з самага пачатку выпрацаваць жаданне выкладвацца максімальна. Такая наша галоўная мэта на першую частку сезону. Мы павінны стаць вельмі ўпартай камандай, з якой ніколі не будзе лёгка.

- Ужо можаце нешта сказаць пра маладых хлопцаў? Першыя ўражанні.

- Некаторыя з іх захапілі маю ўвагу. Вядома, у маладых вельмі шмат энэргіі. Яны ўзрушаныя знаходжаннем тут, гатовыя працаваць і станавіцца лепшымі. А гэта як раз тое, што нам трэба. Мы шукаем людзей з вялікім жаданнем.

- У суботу плануецца ростэр, пасля якой нехта пакіне кэмп. Як моцна скароціцца ростэр?

- Паглядзім на поспехі хлопцаў цягам тыдня. Цяпер мы хочам прывучыць падапечных да высокага тэмпу, затым - лепей даведацца пра кожнага з іх. Тут нам і дапаможа двустаронка. Хлопцы трапяць у гульнявыя сітуацыі, а мы ўбачым, як яны думаюць, як змагаюцца, як кіруюць шайбай... Я не гатовы цяпер сказаць, колькі менавіта чалавек патрапяць пад адсеў. Проста мы хочам пачаць рух да таго ростэры, з якім увойдзем у сезон, - падае словы Вудкрафта hcdinamo.by.