У Амерыцы мінімальны пагадзінны заробак вырасце да $15

Палата прадстаўнікоў хоча ўдвая падняць мінімальны заробак у ЗША.

У чацвер Палата прадстаўнікоў Кангрэсу ЗША ўхваліла законапраект аб падвышэнні мінімальнага пагадзіннага заробку ў краіне амаль удвая - да 15 даляраў, паведамляе «Радыё Свабода».

Законапраектам прадугледжваецца паступовае падвышэнне аплаты працы да 2025 года. Цяпер федэральна ўстаноўлены мінімальны заробак складае 7 даляраў 25 цэнтаў на гадзіну, хоць большасць штатаў маюць свой уласны мінімум, які можа быць вышэйшым за федэральны. Восем штатаў, сярод якіх Каліфорнія і Нью-Ёрк, ужо прынялі закон аб падвышэнні мінімальнай аплаты працы да 15 даляраў за гадзіну.

Чакаецца, што законапраект не будзе падтрыманы кантраляваным рэспубліканцамі Сенатам. Для гэтага ў Палаце прадстаўнікоў пайшлі на такія саступкі, як павелічэнне тэрміну ўводу закона з пяці да шасці гадоў, а таксама патрабаванне да ўрада вывучыць эканамічны ўплыў законапраекта пасля яго ўваходжання ў дзеянне, што дае Кангрэсу магчымасць уносіць карэктывы ў будучыні.

Мінімальны заробак на федэральным узроўні быў упершыню ўстаноўлены ў 1938 годзе на ўзроўні 25 цэнтаў за гадзіну, з тых часоў ён паступова падымаўся. Паводле статыстыкі, менш за тры адсоткі амерыканцаў, якія атрымліваюць пагадзінны заробак, працуюць на мінімальнай стаўцы.

Бюро статыстыкі працы ЗША прыходзіць да высновы, што падвышэнне мінімальнага заробку да 15 даляраў на гадзіну, хутчэй за ўсё, прывядзе да некаторага скарачэння працоўных месцаў для людзей з нізкай працоўнай кваліфікацыяй і да павышэння расходаў дробных прадпрымальнікаў на працаўладкаванне работнікаў.