ЕЗ абавязаў электрамабілі шумець

Дзеля бяспекі пешаходаў.

Усе новыя электрамабілі, якія прадаюцца ў краінах Еўразвязу, павінны быць абсталяваныя генератарамі шуму матора. Новыя правілы ўвайшлі ў дзеянне 1 ліпеня, піша служба ВВС.

На дарогах Еўропы ўсё больш аўтамашын на электрычнай цязе, і іх распаўсюд выклікаў мноства скаргаў на тое, што электрамабілі ездзяць практычна бясшумна.

У выніку пешаходы не чуюць іх набліжэння, што падвышае рост ДТЗ.

З гэтага часу ўсе новыя электрамабілі ў ЕЗ павінны прадавацца з генератарамі шуму матора Avas, які будзе аўтаматычна ўключацца, калі аўто едзе заднім ходам або перасоўваецца з хуткасцю менш за 19 кіламетраў на гадзіну.

Улады Еўразвязу прыйшлі да высновы, што ў абодвух такіх выпадках недалёка ад аўтамабіля могуць знаходзіцца мінакі.

Пры гэтым кіроўцы будуць мець магчымасць адключаць генератар шуму матора, калі яны гэта для іх неабходна.

На больш высокай хуткасці штучны гук будзе адключацца, бо хутка аўтамабілі ездзяць як правіла альбо па шашы, альбо па дарогах, абсталяваных адпаведнымі пешаходнымі пераходамі і святлафорамі.

Брытанская дабрачынная арганізацыя Guide Dogs, якая дае сабак-павадыроў для сляпых, вітала пастанову ЕЗ.

Арганізацыя даўно ўжо патрабавала, каб электрамабілі выдавалі нейкі шум, але дадае, што было б лепш, калі б аўтамабілі выдавалі гук на ўсялякай хуткасці.

Намеснік міністра транспарту Вялікабрытаніі Майкл Эліс таксама вітаў гэтую пастанову ЕЗ, дадаўшы, што з'яўленне экалагічна чыстых аўтамабіляў павінна прынесці карысць усім, у тым ліку і людзям з дрэнным зрокам.

"Дзякуючы гэтаму новаму патрабаванню пешаходы будуць адчуваць сябе больш упэўнена, пераходзячы дарогу", - заявіў міністр.

Брытанскі ўрад таксама мерыцца забараніць да 2040 года продаж аўтамабіляў з рухавікамі, якія працуюць на бензіне або дызельным паліве.

Да траўня 2019 года электрамабілі складалі ўсяго 6,6% усяго аўтапарка Вялікабрытаніі, аднак іх колькасць імкліва расце.