Расейскі шоўмэн Леанід Якубовіч наведаў рэстарацыю ў Курапатах

Вядоўцу «Поля цудаў» не збянтэжыла, што рэстарацыя стаіць «на касцях».

Расейскі шоўмэн і вядоўца забаўляльнай тэлепраграмы «Поле цудаў» Леанід Якубовіч наведаў рэстарацыю «Поедем поедим» каля Курапатаў. Пра гэта «Белсату» паведаміў адзін з удзельнікаў Курапацкай Варты Леанід Кулакоў.

Расейскага шоўмэна прывезлі на чорным аўтамабілі. А праз пэўны час пасля яго прыезду да рэстарацыі прыехаў вялікі «вясельны» лімузін.

«Мы чакалі, калі Якубовіч будзе выязджаць. Хацелі зрабіць фота. Але забіраў яго зусім іншы самаход. Магчыма, каб нас падмануць. Вядома ж, ён бачыў нас, варту Курапацкую. Прыехаў, каб пагуляць тут у «Поле цудаў», - расказаў Леанід Кулакоў.