У Гародні з'явіліся камеры, якія фіксуюць праезд транспарту на чырвонае святло
7- 26.07.2019, 18:18
- 14,482
Камеры будуць запісваць у бесперапынным рэжыме ўсё, што адбываецца перад імі.
На скрыжаванні вуліцы Кабяка ды Індурскай шашы ў Гародні пачынае працу сістэма, якая будзе адсочваць аўтамабілі, што праехалі скрыжаванне на чырвонае святло, піша Аўтагродна.
Сістэма будзе працаваць у тэставым рэжыме пэўны час, паведамляе ДАІ.
Камеры будуць запісваць у бесперапынным рэжыме ўсё, што адбываецца перад імі. Гэтае скрыжаванне абраны не выпадкова для экспэрыментальнай сістэмы. Яно адрозніваецца высокай інтэнсіўнасцю руху і на ім ужо здараліся аварыі, нават з цяжкімі наступствамі.
Такая сістэма ўжо тэставалася ў адным з абласных гарадоў Беларусі. Але «лісты шчасця» парушальнікам не прыходзілі, бо заканадаўча яшчэ не ўстаноўлены сумы штрафаў для атрымальнікаў такіх «лістоў».